نكت دمها خفيف

موضوع: نكت دمها خفيف السبت أكتوبر 25, 2008 4:34 pm

صرصور طلع من خلاط كهربائي قال: يلعن أبوه إللي يدخل ملاهي مرة تانية.

* واحد غبي أراد أن ينزل من السيارة وجد الدنيا مطر .. راح نزل من الباب التاني.

* مدرس بيشرح لطلابه وكل ما مسح السبورة الطلاب بيشقوا الورقة.

* في فريق كرة قدم للنمل كان معهم صرصور ليش؟ لاعب أجنبي.

* في بقرة دخلت السجن ليش؟ شافوها بتاكل حشيش.

* واحد بيتصل فيه صاحبه ما بدو يرد عليه بعت له مسج وكتب فيه ناسي جوالي في البيت.

* مرة واحد بيسأل صاحبه إسم رونالدو إيه قالو إسمه صالح، قالو كيف عرفت قالو مش المعلق بيقول مخالفة لصالح رونالدو.

* محشش طلق زوجته راحت تلم أغراضها قالها أشوفك زعلتي؟؟!!

* في وحدة قالت لزوجها إحكيلي كلمة تشعرني بالدفء قالها فروة.

* محشش فتح محل سماه ؟؟ بقالة الأقمشة لحلاقة الأحذية الغذائية.

* محشش دخل المطعم بنص الليل قال إيش عندكم قال له خلاص شطبنا قال: اعطيني إتنين شطبنا وواحد بيبسي.

* واحد ممدد بنص الشارع ليش؟؟ بيشتغل مطب.

* في ثلاثة ( حول) أبوهم قال اللي بيصفق بيديه راح أعطيه نقود الأول ما قدر والتاني ما قدر والثالث صفق اعطاه أبوه النقود حطها في جيب أخوه.

* كريم تزوج كريمة خلفوا ولد أعطوه للفقراء.

* في واحد رجع بكلامه صدم اللي وراه.

* واحد بيحط راسه بزجاجة ليش؟؟ رقبته سدادة.

* عجوز راحت تعزي على ناس ... ماتت عندهم.

* في واحد قصير تزوج قصيرة جابوا ولد جلس على السجادة ودندل رجليه.

* واحد أكل موزة قال ما أحلاها بس البزر كبير.

* واحد دخل الملعب ومعاه ملعقة ليش؟؟ عشان يحرك اللعب.

* واحد بيحط سكر عل الكرسي قبل لا يقعد ليش؟؟؟ عشان تكون القعدة حلووووة.

* ليش الخروف بيقول ماء ماء ماء وهو مغمض عينيه؟؟؟ لأنه حافظها عن غيب.

* في واحد راح يقعد بالقهوة قام قعد بالشاي.

ليش ما ضحكت؟؟؟ ولا وحدة عجباتك ؟؟؟ طيب أنا شو أعملك إذا ما عندي غير هذه النكت البسيطة ههههههههههه

يلا بسيطة الحق علي اللي كتبتهم
لكن ((( اللي بيضحك على ضرسه بينفع نفسه ))) بعرف قلبت المثل ههههه
خلص ما تعلقوا على الموضوع إذا أردتم ... أنا أمنحكم حرية التعبير ... وإنتم براءة فقط إذا كتبتم بتعليقكم نكته حلوة ولا أحكيلكم خلاص يا جماعة روحوا إقرأوا موضوع مفيد أكتر من هذا
لا تزعلوا امزح معكم طبعاً ... تقبلوا مزحي

مع تحياتي لكم جميعاً
اخوكم : نجم الدين محمد نجاد

موضوع: كتير حلوين السبت أكتوبر 25, 2008 10:36 pm

مرحبا انا بشكرك على هالنكت الرائعة ويسسسسسسسسسسلمو ايدك كتير ومن يد ما نعدمها يارب ومنها للاعلى منها

اختك ملاك الورد

ههههههههههههههههههههههههههههههه

والله عمده واحلى عمده أنت

يسلم ايديك عالنكت الحلوة

دمت بكل ود
لك مني اطيب وأرق تحية